“ძალიან მწარედ ვიკბინე იდაყვზე და დასკვნები გამოვიტანე როცა ფანჩატურებში, მანჩატურებში დავდიოდი და მზად ვიყავი ნებისმიერთან მელაპარაკა”

კოალიციებზე საუბარი ჯერ ადრეა, თუმცა პროდასავლური კოალიციის პერსპექტივას ნამდვილად ვხედავ, – ამის შესახებ „მოქალაქეების“ წევრმა, ალეკო ელისაშვილმა განაცხადა.

ელისაშვილის თქმით, არაფერი აქვს საქმე იმ ხალხთან, რომელთაც საქართველო ევროატლანტიკურ სტრუქტურებში ვერ წარმოუდგენია.

„ძალიან მწარედ ვიკბინე იდაყვზე და დასკვნები გამოვიტანე, როცა ფანჩატურებში და მანჩატურებში დავდიოდი და მზად ვიყავი, ნებისმიერთან დავმჯდარიყავი და მელაპარაკა. ასე არ არის. მაშინ რა ჯანდაბა მესაქმებოდა, არ ვიცი, მაგრამ არაფერი მესაქმება იმ ხალხთან, ვისაც საქართველო ევროატლანტიკურ სტრუქტურებში ვერ წარმოუდგენია. პრორუსს ხალხთან რატომ ვიჯექი, ამაზე ვბრაზდები, აწი აღარ დავჯდები. აბა, ნინო ბურჯანაძე ვინ იყო? – განაცხადა ელისაშვილმა.