უკრაინის პრეზიდენტის ადმინისტრაციის ყოფილი მრჩეველი, ალექსეი არესტოვიჩი აცხადებს, რომ უკრაინული ჯარის კონტრიერიშის ჩავარდნის გამო ვოლოდიმირ ზელენსკის სამხედროებთან კონფლიქტი აქვს. ამის შესახებ არესტოვიჩმა ესპანურ El Mundo-სთან ინტერვიუში განაცხადა.
მისივე თქმით, ზელენსკის პოლიტიკა სულ უფრო და უფრო არაეფექტურია.
როგორც არესტოვიჩი აცხადებს, უკრაინელი სამხედროები უკმაყოფილოები არიან ხელისუფლების არაკომპეტენტურობით და იმით, თუ როგორ გამოიყენება დასავლეთის დახმარება.
„პრეზიდენტის განცხადებები სულ უფრო ემოციური ხდება, რაც გამოწვეულია იმ კრიტიკით, რომელიც მისი მისამართით ისმის. ზელენსკიმ თავისი კომპეტენციის ზღვარს მიაღწია, ამიტომ ცვლილებებია საჭირო, პრეზიდენტი ვერ შეიცვლება, ამიტომ აუცილებელი იქნება არჩევნების ჩატარება“, – აღნიშნავს არესტოვიჩი.
მისივე თქმით, უკრაინის შეიარაღებული ძალების მთავარსარდლის, ვალერი ზალუჟნისა და პრეზიდენტ ზელენსკის პოზიციები ერთმანეთს არ ემთხვევა, „რაც არაა ნორმალური“.