ევროკომისიამ უკრაინას დამატებით 100 მილიონი ევროს ოდენობის ჰუმანიტარული დახმარება გამოუყო.
„ჩვენი ერთგულება უკრაინელი ხალხის მიმართ ისეთივე ძლიერია, როგორც არასდროს. ომის გაგრძელებასთან ერთად, ზამთრის დადგომა შემდგომ გამოწვევებს უქმნის ისედაც დაუცველ თემებს. ჩვენ ვაძლიერებთ ჩვენს ჰუმანიტარულ დაფინანსებას 110 მილიონი ევროთი ომით დაზარალებული უკრაინელების მხარდასაჭერად“, – აღნიშნულია ევროკომისიის მიერ გავრცელებულ ინფორმაციაში.
მათივე ცნობით, 100 მილიონი ევრო უშუალოდ უკრაინაში გაიგზავნება, ხოლო 10 მილიონი ევრო მოლდოვაში მყოფი უკრაინელი ლტოლვილების საჭიროებებს მოხმარდება. შესაბამისად, ომის დაწყების დღიდან ევროკავშირის ჰუმანიტარული დახმარების ოდენობამ უკვე 843 მილიონ ევროს მიაღწია.
კომენტარები