მმართველი გუნდის წევრის, რატი იონათამიშვილის განცხადებით, საარჩევნო ბარიერზე საუბრით, ოპოზიცია აღიარებს, რომ მოსახლეობის მხარდაჭერა არ აქვს.
მისივე თქმით, კარგია, რაც მეტს ილაპარაკებს ოპოზიცია ამ თემაზე, რადგან საზოგადოება რეალობას სწორად დაინახავს.
“ბარიერზე საუბრით, ოპოზიცია აღიარებს, რომ ჩვენი მოქალაქეებისა და მოსახლეობის მხარდაჭერა არ აქვს. ამიტომ, რაც უფრო მეტს ილაპარაკებენ ამ თემაზე, მით უკეთესი იქნება, ვინაიდან, ჩვენი საზოგადოება სწორად დაინახავს, რომ, რეალურად, ამ ადამიანებს ხალხი არ უჭერს მხარს და მათი მიზანი, სინამდვილეში, არა პოლიტიკური სივრცეში რაიმე საკუთარი დღის წესრიგის შეტანა, არამედ პარლამენტში მოხვედრა და კომფორტის შექმნაა, საკუთარი თავებისთვის. შესაბამისად, ეს პროცესი სინამდვილეში ლუსტრაციის პროცესს წარმოადგენს,“ – აცხადებს იონათამიშვილი.