საპარლამენტო უმრავლესობის წევრი, ანრი ოხანაშვილი ოპოზიციის ნაწილის მოთხოვნას ეხმაურება, რომლის მიხედვითაც 5-პროცენტიანი საარჩევნო ბარიერი უნდა შემცირდეს.
ოხანაშვილის თქმით, თუ ოპოზიცია ხელისუფლების შეცვლისთვის მზადაა, ბარიერის გადალახვა არ უნდა გაუჭირდეს.
„ოპოზიციური ჯგუფები ვინც ამბობენ, რომ გაუნაწილებელი მანდატები მიდის ხელისუფლების სასარგებლოდ ხმებში და ა.შ. ამით პირდაპირ აღიარებენ, რომ 2024 წლის საპარლამენტო არჩევნებზე „ქართული ოცნება“ მოდის დამაჯერებლად და გამარჯვებით. იმდენად ვერ საზღვრავენ მათი ნათქვამის მეორე და მესამე სვლას, რომ, რეალურად, ისინი დღეს აღიარებენ, რომ „ქართული ოცნება“ 2024 წლის საპარლამენტო არჩევნებზე გაიმარჯვებს, ისინი ვერ გადალახავენ. ჩვენ რასაც ვამბობთ, ამას გვიდასტურებენ მათი ნათქვამით. თუ ისინი ხელისუფლების შეცვლისთვის მზად არიან, მაშინ 5%-იანი ბარიერი როგორ ვერ უნდა გადალახონ?“, – განაცხადა ანრი ოხანაშვილმა.