ძვირფასო მეგობრებო და ძვირფასო ქართველო მეგობრებო, პირველ რიგში მინდა სამძიმარი გამოვთქვა თამაზ გინტურის მკვლელობასთან დაკავშირებით. ჩვენი ფიქრები თქვენთანაა. მე არ ვასხვავებ ერთი ადამიანის მკვლელობას ათასობით უდანაშაულო ადამიანის მკვლელობისგან, რადგან ყველა დანაშაულს უნდა მოჰყვეს თანაბრად ძლიერი რეაქცია, – ამის შესახებ ევროპარლამენტარმა, მარკეტა გრეგოროვამ განაცხადა.
„რუსეთმა დაიწყო უკრაინელების მკვლელობა და უნდა დავასანქციროთ პასუხისმგებელი პირები, მაგრამ ჩვენს სამეზობლოში კიდევ არის რუსეთის მიერ ოკუპირებული სახელმწიფო, რომლის მოქალაქეებსაც რუსეთის საოკუპაციო ძალები იტაცებენ, კლავენ. არის საქართველო უფრო შორს? დიახ. აქვს ამას მნიშვნელობა? რა თქმა უნდა არა. მოვუწოდებთ ევროპულ საბჭოს დაამატოს შემდეგ სანქციებს ან ახალ სანქციებს მათი გვარები, ვინც პასუხისმგებელია თამაზ გინტურის მკვლელობაზე და ქართველების ტანჯვაზე. კრემლს სურს ისინი შიშში ცხოვრობდნენ და უარი თქვან ევროპულ გზაზე. მხარი დავუჭიროთ მათ, გავამხნეოთ და ვლადიმერ პუტინი დამარცხდება“, – აღნიშნა მარკეტა გრეგოროვამ.
სოფელ კირბალის მიმდებარედ, ოკუპირებულ ტერიტორიაზე, ადგილობრივი მცხოვრების უკანონოდ დაკავების მცდელობისას რუსეთის საოკუპაციო ძალების მიერ სროლის შედეგად საქართველოს მოქალაქე თამაზ გინტური დაიღუპა.