თურქეთის დედაქალაქში ხმაურის გამო მეზობლებს შორის დაწყებულ ჩხუბს 5 ადამიანის სიცოცხლე შეეწირა, მათ შორის ორი ბავშვია.
ამის შესახებ ტელეკომპანია NTV იტყობინება.
„5 ადამიანი, მათ შორის, ერთი ოჯახის ორი ბავშვი, მეზობელმა, რომელთან მანამდე ხმაურის გამო ჩხუბი მოხდა, ცეცხლსასროლი იარაღიდან მოკლა“, – იტყობინება ტელეარხი.
არსებული ინფორმაციით, ჩხუბი სინჯანის რაიონში, პაპათიას ქუჩაზე, ერთ სახლში მცხოვრებ მეზობლებს შორის მოხდა.
ერთი ოჯახის ოთხი წევრი ადგილზე დაიღუპა, ერთი – საავადმყოფოში.
ეჭვმიტანილი დაკავებულია.
მეზობლების თქმით, ხმაურის გამო მეზობლებს შორის ჩხუბი ხშირად მომხდარა.
კომენტარები