სრული ბოდვაა, რომ თურმე, 7 ნოემბერი პროვოკაცია ყოფილა, – ამის შესახებ საპარლამენტო უმრავლესობის წევრმა, ადამიანის უფლებათა დაცვის კომიტეტის თავმჯდომარის მოადგილემ, ალუდა ღუდუშაურმა სააკაშვილზე საუბრისას განაცხადა.
„საქმე ეხება ძალიან სერიოზულ ფაქტს, რომელსაც ნამდვილად სჭირდება გამოკვლევა, სიღრმეებში ჩასვლა და ცხადია ის, რომ ასეთი მნიშვნელობის ფაქტის გაუბრალოება და გვერდით გადადება, რა თქმა უნდა, რელევანტური არ არის.
რაც შეეხება სააკაშვილს, ეს არის ქვეყნისა და ქართველი ხალხისთვის წარსული. სრული ბოდვაა იმასთან დაკავშირებით, რომ თურმე, 7 ნოემბერი ყოფილა პროვოკაცია, მისი მმართველობის რეჟიმით პროვოკაცია ყოფილა“, – აღნიშნა ღუდუშაურმა.
დაიკითხებიან თუ არა შვიდი ნოემბრის საქმეზე აქციის ორგანიზატორები, მათ შორის სალომე ზურაბიშვილი? – ეს კითხვა აქტუალური მიხეილ სააკაშვილის მიერ სასამართლო სხდომაზე გაკეთებული განცხადების შემდეგ გახდა, როდესაც პატიმარმა საზოგადოების პროტესტი რუსულ პროექტს დაუკავშირა.