ყველა ჩვენი რეფორმა მიმართულია ჩვენი მოქალაქეების ზრუნვისკენ. შესაბამისად, ქრონიკული მედიკამენტების რეფორმაშიც, სადაც კი დახვეწის შესაძლებლობაა, ვცდილობთ ჩვენი მოქალაქეებისთვის კიდევ უფრო გავაუმჯობესოთ ხელმისაწვდომობა მედიკამენტებზე და მათი ჯიბიდან გადახდები შემცირდეს- ამის შესახებ ჯანდაცვის მინისტრმა, ზურაბ აზარაშვილმა „ქრონიკაში“ განაცხადა.
„მომავალი წლიდან ყველა იმ პაციენტების, პენსიონერებისა და სხვა მოწყვლადი ჯგუფების წარმომადგენლებისთვის, ვისაც ქრონიკული მედიკამენტები ესაჭიროებათ, ერთის მხრივ, ვაფართოებთ მედიკამენტების სიას და ასევე, მნიშვნელოვნად ვზრდით ბიუჯეტს, რომ მთელი წლის მედიკამენტების მარაგი ჩვენმა მოქალაქეებმა სრულად მიიღონ. ეს დაახლოებით 400 000 ადამიანს შეეხება. ბიუჯეტი დაახლოებით 60 მილიონი ლარის ფარგლებშია“, -აღნიშნა მინისტრმა.