რამდენიმე შეფერხების შემდეგ, ღაზის სექტორში საბრძოლო მოქმედებების შეჩერების შესახებ რეზოლუცია მზად არის კენჭისყრისთვის, – ამის შესახებ გაერო-ში აშშ-ის ელჩმა, ლინდა თომას-გრინფილდმა განაცხადა.
„აშშ მზად არის, გაერო-ს უშიშროების საბჭოს რეზოლუციას კენჭი უყაროს. ჩვენ ვიმუშავეთ გასული კვირის განმავლობაში საამიროებთან, ეგვიპტესთან და სხვებთან ერთად, რათა მიგვეღო რეზოლუცია, რომლის მხარდაჭერაც შეგვიძლია. ახლა გვაქვს ეს რეზოლუცია და მზად ვართ კენჭისყრისთვის“, – განუცხადა თომას-გრინფილდმა ჟურნალისტებს.
რეზოლუციისთვის კენჭისყრა სავარაუდოდ, დღეს გაიმართება.
„რეზოლუცია თუ წარდგენილი იქნება ისე, როგორც არის, ჩვენ შეგვიძლია, მხარი დავუჭიროთ. რეზოლუცია მხარს დაუჭერს პრიორიტეტს, რაც ეგვიპტეს აქვს იმის უზრუნველსაყოფად, რომ ჩვენ ადგილზე დავაყენოთ მექანიზმი, რომელიც ხელს შეუწყობს ჰუმანიტარულ დახმარებას“, – აღნიშნა თომას-გრინფილდმა.