სააკაშვილს აქვს ჭარბი კომფორტი, რადგან მას ობიექტურად საავადმყოფოში ყოფნა არ ეკუთვნის, იქიდან გამომდინარე, რომ მას არავითარი შესაბამისი დაავადება არ აქვს, – ამის შესახებ „ქართული ოცნების“ თავმჯდომარემ, საპარლამენტო უმრავლესობის ლიდერმა ირაკლი კობახიძემ განაცხადა.
„სააკაშვილი დროდადრო ცდილობს გაითამაშოს დემენცია, რაც სინამდვილეში არ სჭირს, მაგრამ პერიოდულად ცდილობს ეს გაითამაშოს. ეს ყველაფერი, რა თქმა უნდა, არასერიოზულია. მე მგონია, რომ სააკაშვილს აქვს ჭარბი კომფორტი, რადგან მას არ ეკუთვნის ობიექტურად საავადმყოფოში ყოფნა, გამომდინარე იქიდან, რომ მას არავითარი შესაბამისი დაავადება არ აქვს. აქედან გამომდინარე, ეს არის ჩემი შეფასება. თუმცა, შესაბამისი უწყებები იღებენ ამასთან დაკავშირებით გადაწყვეტილებებს და მე არ მაქვს იმის კომპეტენცია, რომ ამაზე ვისაუბრო“, – აღნიშნა კობახიძემ.
მან ასევე ისაუბრა სააკაშვილის ინიციატივაზეც, სუპერ-პაკთან დაკავშირებით. „სუპერ-პაკს რაც შეეხება, მათი პარტია, „ნაცმოძრაობა“ ჩამოშლილია. 20%-ს ქვემოთ, სადღაც 15%-ზე არიან უკვე ჩამოსულები. ეს არის მათი ხაბე, კეზერას, სააკაშვილის სუპერ-პაკი“, – განაცხადა კობახიძემ.