ბათუმში სტიქიით მიყენებული ზიანის სალიკვიდაციო სამუშაო უწყვეტ რეჟიმში მიმდინარეობს. ძლიერი ქარის შედეგად, დაზიანდა მრავალბინიანი სახლების სახურავები, თუნუქის შეფუთვები, საგზაო ნიშნები, ელექტროგადამცემი და გარე განათების ბოძები, სადენები, მრავალწლოვანი ხეები და მუნიციპალური ავტობუსის მოსაცდელები.
სალიკვიდაციო ღონისძიებები მთელი ღამის განმავლობაში მიმდინარეობდა, ოპერატიულად ჩატარდა წაქცეული ხეებისგან გზების გათავისუფლებისა და დასუფთავების სამუშაო. საგანგებო რეჟიმით მუშაობას განაგრძობენ მერიის სამსახურები.
კომენტარები