რუსი ოპოზიციონერი, ალექსეი ნავალნი არქტიკული წრის ჩრდილოეთით მდებარე ციხეში გადაიყვანეს. ინფორმაციას ამის შესახებ ამერიკული გაზეთი The New York Times-ი ალექსეი ნავალნის წარმომადგენელზე დაყრდნობით ავრცელებს.
ოპოზიციონერი პოლიტიკოსის პრესმდივანი, კირა იარმიში აცხადებს, რომ ალექსეი ნავალნი თავს კარგად გრძნობს.
“ალექსეი [ნავალნი] ვიპოვეთ. ადვოკატმა ის დღეს მოინახულა”, – აღნიშნა კირა იარმიშმა.
თანამოაზრეებმა ნავალნი აღმოაჩინეს სასჯელაღსრულების კოლონიაში, რომელიც იამალ-ნენთა რეგიონში მდებარეობს.
ივან ჟდანოვმა, ნავალნის ანტიკორუფციული ფონდის ხელმძღვანელმა, აღწერა დაწესებულება, როგორც რუსეთის ერთ-ერთი ყველაზე ჩრდილოეთით მდებარე და ყველაზე შორს მდებარე ციხე.
“ალექსეის მდგომარეობა არის ნათელი მაგალითი იმისა, თუ როგორ ექცევა სისტემა პოლიტიკურ პატიმრებს, ცდილობს მათ იზოლირებასა და დათრგუნვას”, – დასძინა ჟდანოვმა.