თავდაცვის ძალებს მაღალი ხარისხის პროდუქცია აქვს, ის ინფორმაციები, რაც სხვადასხვა ეთერიდან გაჟღერდა, რეალობას მოკლებულია და არ შეესაბამება სიმართლეს, – ამის შესახებ „დელტა ტექსტილის“ დირექტორმა ნინო ნიქაბაძემ „ქრონიკასთან“ განაცხადა.
მისი თქმით, თავდაცვის ძალები არასდროს ისე არ ყოფილა აღჭურვილი და შემოსილი, როგორც არის დღეს.
„ქსოვილი რასაც კომპანია შეიძენს პროდუქციის დასამზადებლად, ევროპის და აზიის ქვეყნებიდან შემოგვაქვს და არაერთ შემოწმებას გადის. მოწმდება ნიმუში რაც საწარმოს წარედგინება ნივთის დასამზადებლად. შემოწმება ხორციელდება საერთაშორისოდ აკრედიტებული ლაბორატორიების ფარგლებში. ლაბორატორიული კვლევის წარდგენის შემდეგ, ვიღებთ გადაწყვეტილებას ქსოვილის მასიურ წარმოებაში ჩასაშვებად, რის შემდგომაც მწარმოებელი კვლავ უზრუნველყოფს კვლევის ჩატარებას იმავე ლაბორატორიებში, წარმოგვიდგენს ლაბორატორიულ დასკვნას და მხოლოდ ამის შემდეგ ხორციელდება ნედლეულის ტრანსპორტირება ჩვენს საწარმომდე. ყველა პროდუქტი შემოწმებულია საერთაშორისოდ აკრედიტებული ლაბორატორიების მიერ და პროდუქცია, რომელიც თავდაცვის ძალებს ბარდება, ამის შემდეგაც კი ხდება ექსპერტიზის დაბარება და ლაბორატორიის წარმომადგენლების მიერ ხდება ნიმუშების დალუქვა, იგზავნება ექსპერტიზაზე. როგორც კი სამინისტროს მიიღებს პასუხს, მხოლოდ ამის შემდეგ ფორმდება მიღება-ჩაბარების აქტი. თამამად შეგვიძლია განვაცხადოთ, რომ თავდაცვის ძალები არასდროს ისე არ ყოფილა აღჭურვილი და შემოსილი, როგორც არის დღეს“, – განაცხადა ნიქაბაძემ.
