28 დეკემბერს, საქართველოს ფეხბურთის ფედერაციის წლის შემაჯამებელი ღონისძიება – GFF Awards 2023 გაიმართება. ტრადიციულ დაჯილდოებას 19:00 საათზე „რესპუბლიკა ივენთ ჰოლი“ უმასპინძლებს – ინფორმაციას ფეხბურთის ფედერაციის პრესსამსახური ავრცელებს.
GFF Awards 2023-ზე საუკეთესოები შემდეგ ნომინაციებში გამოვლინდებიან:
2023 წლის საუკეთესო კაცი ფეხბურთელი;
2023 წლის საუკეთესო ქალი ფეხბურთელი;
2023 წლის ფუტსალის საუკეთესო მოთამაშე;
2023 წლის საუკეთესო ახალგაზრდა ფეხბურთელი;
2023 წლის საუკეთესო მსაჯი;
2023 წლის ქალთა ლიგის საუკეთესო ფეხბურთელი;
2023 წლის ქალთა ლიგის საუკეთესო მწვრთნელი;
ალექსანდრე ჩივაძის მედლები 2023 წლის საუკეთესო 17 და 19-წლამდე მოთამაშეებისთვის.
ამას გარდა, უეფა-ს 21-წლამდე ევროპის ჩემპიონატის ორგანიზებაში და მასობრივი ფეხბურთის განვითარებაში შეტანილი წვლილისთვის გაიცემა სპეციალური პრიზები.