თავდაცვის კოდექსის ის სამართლებრივი ხარვეზი, რომელიც ძალიან დიდ პრობლემას უქმნიდა თავდაცვის ძალებს და საბოლოო ჯამში სახელმწიფოს, უკვე აღმოფხვრილია. ჩვენ ამ მიმართულებით უკვე გვაქვს შედეგი, – ამის შესახებ თავდაცვის მინისტრმა ჯუანშერ ბურჭულაძემ „ქრონიკასთან“ განაცხადა.
„არ მინდა რომ საზოგადოებამ იფიქროს, რომ ეს იქნება ტოტალური გაწვევა, მას შემდეგ რაც ჩვენ დავხურეთ ისეთი სივრცეები, რაც არსებობდა, რომ არაკეთილსინდისერად გამოეყენებინათ კონკრეტულ ჯგუფებს. შედეგად ჩვენ მივიღებთ კარგად გაწვრთნილ რეზერვს, რაც ჩვენი საბოლოო მიზანია. ჩვენ კოდექსზე მუშაობის პერიოდში ავიღეთ სხვადასხვა ქვეყნების გამოცდილება, რომელიც შეიძლება ჩვენს რეალობაში ინტეგრირდებოდეს. რა თქმა უნდა, ზოგადად სამოქალაქო ვალდებულება სახელმწიფოს წინაშე ყველას უნდა ჰქონდეს, თუმცა მეორეს მხრივ ჩვენი პირობებით მივაღწევთ იმ შედეგს, რაც ჩვენ გვჭირდება, რომ ქვეყნის თავდაცვისუნარიანობა შევინარჩუნოთ. ჩვენი გეგმა არის, რომ წელიწადში 4000-5000სამხედრო სავალდებულო მოსამსახურეს გავიწვევთ, რაც იქნება იმ მიზნისკენ მიმართული, რომ შევქმნათ კარგად მომზადებული რეზერვი“, – განაცხადა მინისტრმა.