ჩრდილოეთ კორეის ლიდერმა, კიმ ჩენ ინმა განაცხადა, რომ პროვოკაციის შემთხვევაში, სამხედროებმა სრულად უნდა გაანადგურონ აშშ და სამხრეთ კორეა. ინფორმაციას ამის შესახებ სააგენტო The Associated Press-ი ავრცელებს.
“რაც უფრო დინამიურად ვითარდება კორეის რევოლუცია, მით უფრო სასოწარკვეთილნი არიან ამერიკელი იმპერიალისტები და კორეის რესპუბლიკის [სამხრეთ კორეა] კლანი. ისინი ცდილობენ მის შეჩერებას”, – ციტირებს კიმ ჩენ ინს ჩრდილოეთ კორეის სახელმწიფო მედია.
კიმ ჩენ ინის თქმით, “თუ მტერი წავა სამხედრო დაპირისპირებასა და პროვოკაციაზე ჩრდილოეთ კორეის წინააღმდეგ”, ჩრდილოეთ კორეის არმიამ “მას უნდა მიაყენოს სასიკვდილო დარტყმა”.
28 დეკემბერს, კიმ ჩენ ინმა სამხედროებს ომისთვის მზადების პროცესის დაჩქარება დაავალა. კიმ ჩენ ინმა აღნიშნა, რომ საჭიროა მომზადება აშშ-ის “უპრეცედენტო კონფრონტაციული ქმედებების დასაპირისპირებლად”.