პენტაგონის გამომძიებლებმა უკრაინისთვის მიწოდებულ დახმარებასთან დაკავშირებით 50-ზე მეტ საქმეზე გამოძიება დაიწყეს. ინფორმაციას ამის შესახებ სააგენტო Bloomberg-ი პენტაგონის გენერალურ ინსპექტორზე დაყრდნობით ავრცელებს.
პენტაგონის გენერალურმა ინსპექტორმა, რობერტ სტორჩმა განაცხადა, რომ გამოძიება განიხილავს ისეთ საკითხებს, როგორიცაა „შესყიდვებთან დაკავშირებული თაღლითობა, პროდუქტის ჩანაცვლება, ქურდობა, თაღლითობა ან კორუფცია და გადამისამართება“.
„ჩვენ [ჯერ] არ დაგვიმტკიცებია მსგავსი ბრალდებები, თუმცა მომავალში ეს შეიძლება შეიცვალოს“, – აღნიშნა პენტაგონის გენერალურმა ინსპექტორმა.
მისი თქმით, უკრაინაში აღჭურვილობის მიწოდების რაოდენობისა და სიჩქარის გათვალისწინებით, სავარაუდოდ, ჩატარდება დამატებითი გამოძიება აშშ-ის აღჭურვილობის ბოროტად გამოყენებასთან ან გადამისამართებასთან დაკავშირებით.