საუბარი, რომ დაჩქარებული წესით ან პრიორიტეტის ფარგლებში ხდება ჯაფარიძე-ხაზარაძე-წერეთლის საქმის განხილვა, სიმართლეს არ შეესაბამება, – ამის შესახებ საქართველოს იუსტიციის მინისტრის მოადგილემ, ბექა ძამაშვილმა განაცხადა.
„სტრასბურგის სასამართლოს აქვს რეგლამენტში შესაბამისი წესი, როდესაც მიიჩნევს, რომ საქმე განსაკუთრებული ხასიათიდან გამომდინარე პრიორიტეტულად უნდა იყოს განხილული, ამას პირდაპირ უთითებს წერილში, 41-ე წესზე აკეთებს მითითებას და ნამდვილად ხდება სწრაფად განხილვა, მაგრამ ამ საქმეში ამდაგვარს არაფერს ადგილი არ ჰქონია. ადგილი რომ ჰქონოდა, თვითონ მომჩივნები ალბათ გაასაჯაროებდნენ კიდეც სტრასბურგის სასამართლოდან გამოგზავნილ წერილს“, – აღნიშნა ბექა ძამაშვილმა.
ხაზარაძე – ჯაფარიძე ამტკიცებენ, რომ საქმე, რომელიც ქართულ სასამართლოებში წააგეს, სტრასბურგმა წარმოებაში მიიღო. ასევე აცხადაბენ, რომ ადამიანის უფლებათა ევროპულმა სასამართლომ საქმის განხილვა უპრეცედენტოდ მოკლე დროში დაიწყო. ბადრი ჯაფარიძე იმისაც ამტკიცებს, რომ სტრასბურგმა შესაბამისი კითხვები იუსტიციის სამინისტროს უკვე გადმოუგზავნა.