“მადლობა მინდა გადავუხადო ნინო გიორგობიანს, რომელმაც არაერთხელ მომცა შესაძლებლობა სხვადასხვა უწყებაში, მის გვერდით მემუშავა და 12 წლის განმავლობაში ქვეყნის სამსახურში ვყოფილიყავი. ეს იყო ძალიან საინტერესო და საამაყო წლები, არაერთი გამოწვევა და უდიდესი გამოცდილება”- ასე ეხმაურება საქართველოს მთავრობის სტრატეგიული კომუნიკაციების დეპარტამენტის უფროსის ყოფილი მოადგილე ვიქტორია კლიმიჩევა დაკავებული თანამდებობის დატოვებას და სოციალურ ქსელში პოსტს აქვეყნებს.
“მეგობრებო, ვტოვებ მთავრობის ადმინისტრაციის სტრატეგიული კომუნიკაციების დეპარტამენტს და ამ ეტაპზე ვემშვიდობები საჯარო სამსახურს.
პირველ რიგში, მადლობა მინდა გადავუხადო ნინო გიორგობიანს, რომელმაც არაერთხელ მომცა შესაძლებლობა სხვადასხვა უწყებაში, მის გვერდით მემუშავა და 12 წლის განმავლობაში ქვეყნის სამსახურში ვყოფილიყავი. ეს იყო ძალიან საინტერესო და საამაყო წლები, არაერთი გამოწვევა და უდიდესი გამოცდილება.
მადლობა ირაკლი ღარიბაშვილს, ვახტანგ გომელაურს, გრიგოლ ლილუაშვილს – ადამიანებს, რომელთა ხელმძღვანელობის პირობებში მქონდა პატივი მემუშავა მთავრობის ადმინისტრაციაში, შინაგან საქმეთა სამინისტროსა და სახელმწიფო უსაფრთხოების სამსახურში.
ვბრუნდები დიდ ავიაციაში და მუშაობას ვაგრძელებ ავიაკომპანია “ჯორჯიან ეარვეისში”, გენერალური დირექტორის მოადგილედ საზოგადოებასთან ურთიერთობის საკითხებში.
ბედნიერი ვარ, რომ მაქვს შესაძლებლობა კვლავ გავაგრძელო ჩემი ოჯახის – 3 თაობის ავიატორების- უწყვეტი ტრადიცია. მადლობა ამ შესაძლებლობისთვის და ნდობისთვის თამაზ გაიაშვილს.
განსაკუთრებით მიხარია, რომ ვიმუშავებ და ჩემს ცოდნას და გამოცდილებას გამოვიყენებ ავიაკომპანიაში, სადაც წლების წინ დავიწყე ჩემი პროფესიული გზა, სადაც მომეცა განვითარების საშუალება და რაც მთავარია, სადაც ჩემი ცხოვრების უძვირფასესი ადამიანი Nino Giorgobiani შევიძინე.
მადლობა მედიის წარმომადგენლებს თანამშრობლობისთვის, რაც ამ წლების განმავლობაში გვაკავშირებდა და მზად ვარ იგივე რეჟიმში გავაგრძელო უკვე ახალი პოზიციიდან” – წერს კლიმიჩევა.