მართლაც რომ უბედურებასთან გვაქვს საქმე. რომ არა ბიძინა ივანიშვილი და მისი პატივისცემით დარაზმული ქვეყნის მოსახლეობა, ეღირსებოდა ეს ქალი პრეზიდენტობას? – ასე ეხმიანება ექსპერტი ნინო ფოჩხუა “ქართული ოცნების” თავმჯდომარის, ირაკლი ღარიბაშვილის მიერ სალომე ზურაბიშვილზე გაკეთებულ განცხადებას სოციალურ ქსელში.
კერძოდ, ღარიბაშვილმა ზურაბიშვილის შესახებ განაცხადა: „საქმე გვაქვს უბედურებასთან – ადამიანს, რომელსაც ოცნებაც კი არ შეეძლო, რომ პრეზიდენტი გახდებოდა, ჩვენი პარტიის დამფუძნებელმა მოკიდა ხელი და დასვა პრეზიდენტად, ახლა ვხედავთ როგორაა ჩართული დესტრუქციული ძალის ფერხულში”.
ფოჩხუას შეფასებით, სალომე ზურაბიშვილმა აღარ იცის, როგორ ავნოს საკუთარ ამომრჩეველს და მის გაპრეზიდენტებაში მონაწილე ხელისუფლების წარმომადგენლებს, რისი ნათელი მაგალითიც მის მიერ ბაია პატარაიას დაჯილდოებაა.
„მართლაც რომ უბედურებასთან გვაქვს საქმე.რომ არა ბიძინა ივანიშვილი და მისი პატივისცემით დარაზმული ქვეყნის მოსახლეობა, ეღირსებოდა ეს ქალი პრეზიდენტობას?
ამ ქალზე უარესი სახელმწიფო მოხელე ჩვენს ქვეყანას არ ჰყოლია. მე არ ვიცი კიდევ რა აქვს გეგმაში, მაგრამ ასანთი რომ უჭირავს ხელში კი ვიცი. იმდენად პატარა და ბოღმა ადამიანია, რომ როგორ ავნოს საკუთარ ამომრჩეველს და მის გაპრეზიდენტებაში მონაწილე ხელისუფლების წარმომადგენლებს, აღარ იცის. აბა მისი ბოლო გადაწყვეტილება, ბაია პატარაიას დაჯილდოება რა იყო?
მე არ ვიცი კიდევ რა აქვს გეგმაში ამ ქალს, მაგრამ ასანთი რომ უჭირავს ხელში კი ვიცი. ასეთი მოღალატე ადამიანები კი როგორ ამთავრებენ, ყველამ იცის.” – წერს ნინო ფოჩხუა.