გერმანიაში ოფიციალური ვიზიტით მყოფ პრემიერ-მინისტრ ირაკლი კობახიძეს ქართველებმა თბილი დახვედრა მოუწყვეს. გულშემატკივრები ირაკლი კობახიძეს ქართული დროშებით, ოვაციებია და შეძახილებით შეხვდნენ: „გაუმარჯოს ირაკლის, გაუმარჯოს. საქართველოს გაუმარჯოს“.
გერმანიაში პრემიერ-მინისტრის ოფიციალური ვიზიტი დაიწყო. ირაკლი კობახიძეს ფედერალურ კანცელარიაში გერმანიის კანცლერი, ოლაფ შოლცი დახვდა.
დაგეგმილია შეხვედრები პირისპირ და გაფართოებულ ფორმატში, რის შემდეგაც ირაკლი კობახიძე და ოლაფ შოლცი ერთობლივ პრესკონფერენციას გამართავენ. ოფიციალური ვიზიტის ფარგლებში საქართველოს მთავრობის მეთაური შეხვდება გერმანიის ფედერაციული რესპუბლიკის პრეზიდენტს ფრანკ ვალტერ შტაინმაიერს და გერმანიის ბუნდესტაგის პრეზიდენტს ბერბელ ბასს.
კომენტარები