რუსთაველის გამზირზე, პარლამენტის შენობის მიმდებარე ტერიტორიზე ვითარება პერიოდულად იძაბება.
როგორც საქართველოს პირველი არხის კორესპონდენტი ადგილიდან იუწყება, რამდენიმე წუთის წინ სცენაზე გამომსვლელმა გამოაცხადა ინფორმაცია, რომ კომიტეტმა მხარი დაუჭირა „უცხოური გავლენის გამჭვირვალობის“ კანონპროექტს, რის შემდეგაც მოქალაქეებმა კიდევ ერთხელ სცადეს პოლიციის კორდონის გარღვევა, ასევე, ისროლეს ასაფეთქებელი საშუალება პოლიციის მხარეს.
რამდენიმე ადამიანი პოლიციამ ტერიტორიიდან გაიყვანა.
პარლამენტთან იმყოფებიან სხვადასხვა პოლიტიკური პარტიის ლიდერები, მათ შორის ნიკა გვარამია, ნიკა მელია, ლევან ხაბეიშვილი.
პარლამენტთან შეკრებილები „უცხოური გავლენის გამჭვირვალობის შესახებ“ კანონპროექტს აპროტესტრებენ. მათი თქმით, აღნიშნული კანონის მიღებას არ დაუშვებენ.
კომენტარები