„ისლამური რევოლუციის გუშაგთა კორპუსის“ წარმომადგენლის, ბრიგადის გენერლის აჰმად ჰაქ ტალაბის განცხადებით, ირანი მზადაა, იერიში მიიტანოს ისრაელის ბირთვულ ობიექტებზე, იმ შემთხვევაში თუ თელ-ავივი თეირანის მისამართით აგრესიას განახორციელებს. ამის შესახებ სააგენტო Tasnim-ი იტყობინება.
„ისლამური რევოლუციის გუშაგთა კორპუსში“ აღნიშნავენ, რომ მზად არიან, „ცაჰალის“ ყველა შეტევა მოიგერიონ.
აჰმად ჰაქ ტალაბის თქმით, თეირანს დადგენილი აქვს ისრაელის ბირთვული ობიექტების ადგილმდებარეობა და მზად არის, დაუყოვნებლივ გასცეს სარკისებრი პასუხი.
„თუ ისრაელი ჩვენი ბირთვული ობიექტების წინააღმდეგ ზომებს მიიღებს, ის აუცილებლად მიიღებს პასუხს. იერიშს მივიტანთ ისრაელსა და მის ბირთვულ ობიექტებზე. გვაქვს ინფორმაცია ყველა სამიზნეს შესახებ“, – აღნიშნა „ისლამური რევოლუციის გუშაგთა კორპუსის“ წარმომადგენელმა.