თბილისში თანამედროვე სტანდარტების, 70 000 მაყურებელზე გათვლილი ახალი სტადიონი აშენდება, რაც მოგვცემს საშუალებას, ვუმასპინძლოთ უმაღლესი რანგის მატჩებს დედაქალაქში, ჩემპიონთა ლიგის ფინალის ჩათვლით, – ამის შესახებ საქართველოს პრემიერ-მინისტრმა ირაკლი კობახიძემ მთავრობის დღევანდელ სხდომაზე განაცხადა.
პრემიერის თქმით, თანამედროვე სტანდარტების ახალი ტერმინალი აშენდება მესტიის აეროპორტში, რაც ხელს შეუწყობს სვანეთში ტურისტების რაოდენობის კიდევ უფრო გაზრდას და მთლიანად რეგიონის განვითარებას.
მთავრობის მეთაურმა ასევე ისაუბრა ზოგადი განათლების ეროვნული მიზნების დოკუმენტზე, რომლის საბოლოო პროექტი ფართომასშტაბიანი განხილვებისა და სასკოლო საზოგადოების წევრების აქტიური ჩართულობით მომზადდა.
კომენტარები