“აშშ უკრაინას დაეხმარება თავის დაცვაში არა ამერიკული ჯარების გაგზავნით უკრაინაში საბრძოლველად, არამედ იარაღისა და საბრძოლო მასალის მიწოდებით”

აშშ-ის პრეზიდენტმა, ჯო ბაიდენმა განაცხადა, რომ აშშ მტკიცედ უჭერს მხარს უკრაინას. ინფორმაციას ამის შესახებ ტელეკომპანია CNN-ი ავრცელებს.

აშშ-ის პრეზიდენტმა, ჯო ბაიდენმა და უკრაინის ლიდერმა, ვოლოდიმირ ზელენსკიმ ხელი მოაწერეს აშშ-სა და უკრაინას შორის უსაფრთხოების სფეროში 10-წლიან შეთანხმებას.

აშშ-ის პრეზიდენტმა, ჯო ბაიდენმა განაცხადა, რომ აშშ უზრუნველყოფს, რომ უკრაინამ საკუთარი თავი დაიცვას ახლა და მომავალში.

ჯო ბაიდენის თქმით, აშშ-მა და სხვა ქვეყნებმა ხელი მოაწერეს უსაფრთხოების შეთანხმებებს, რათა უკრაინამ შეძლოს საკუთარი თავის დაცვა ახლა და მომავალში პოტენციური თავდასხმების შეკავება.

„აშშ უკრაინას დაეხმარება ორივე ამოცანის შესრულებაში არა ამერიკული ჯარების გაგზავნით უკრაინაში საბრძოლველად, არამედ იარაღისა და საბრძოლო მასალის მიწოდებით, სადაზვერვო მონაცემების გაზიარების გაფართოებითა და უკრაინული ჯარების გაწვრთნით, სხვა ძალისხმევასთან ერთად“, – აღნიშნა აშშ-ის პრეზიდენტმა.