დიდი ბრიტანეთის საგარეო საქმეთა მინისტრმა, დევიდ ლემმა განაცხადა, რომ უკრაინაში ომი მაშინ დასრულდება, როცა პუტინი წავა. ინფორმაციას ამის შესახებ უკრაინული მედია ავრცელებს.
„ჩვენ არ ვიცით, როდის დასრულდება ომი. ომი დასრულდება მაშინ, როდესაც პუტინი წავა და არ მინდა პროგნოზების გაკეთება, როდის მოხდება ეს“, – აღნიშნა ბრიტანეთის საგარეო უწყების ხელმძღვანელმა.
დევიდ ლემის თქმით, მან მოისმინა პუტინის დისკუსია მშვიდობის თაობაზე.
„ეს არის უკრაინის კაპიტულაცია. ეს მიუღებელია და არ განიხილება. მე მესმის, რომ ახლა სისხლისმღვრელი ბრძოლა მიმდინარეობს უკრაინის მომავლისთვის. შემიძლია მხოლოდ გავიმეორო, რომ დიდი ბრიტანეთი და ნატოს სხვა წევრები მხარს უჭერენ უკრაინას ამ ბრძოლაში. მაგრამ ეს ომი, სამწუხაროდ, კიდევ მრავალი თვე გაგრძელდება“, – დასძინა მან.
კომენტარები