ისრაელის პრემიერ-მინისტრი ბენიამინ ნეთანიაჰუ თვის ბოლოს აშშ-ის პრეზიდენტს, ჯო ბაიდენს შეხვდება. ნეთანიაჰუმ მთეთრი სახლიდან მიწვევა ოფიციალურად მიიღო. ვიზიტის თარიღი ამ ეტაპზე მედიისთვის უცნობია.
ისრაელის პრემიერ-მინისტრი აშშ-ის კონგრესში სიტყვით გამოსვლისთვის მიემგზავრება, რის შემდეგაც ის პრეზიდენტსაც შეხვდება.
ამასთან, ეს ბენიამინ ნეთანიაჰუს პირველი ვიზიტია ვაშინგტონში მას შემდეგ, რაც ის 2022 წლის დეკემბერში პრემიერ-მინისტრის თანამდებობაზე დაბრუნდა. თეთრი სახლი მისი მიწვევისგან თავს იმ დროიდან იკავებდა, რაც ნეთანიაჰუმ ულტრამემარჯვენე ძალებთან კოალიცია ჩამოაყალიბა და მართლმსაჯულების სადავო რეფორმის გატარება გადაწყვიტა.
ცნობისთვის, ბენიამინ ნეთანიაჰუ და ჯო ბაიდენი ერთმანეთს 7 ოქტომბრის „ჰამასის“ თავდასხმის შემდეგ ისრაელში შეხვდნენ, სადაც ამერიკის პრეზიდენტი მხარდაჭერისა და სოლიდარობის გამოსახატად ჩავიდა. ორი კვირით ადრე კი ისინი გაერო-ს გენერალური ასამბლეის ფარგლებშიც შეხვდნენ, თუმცა შეხვედრა დახურულ კარს მიღმა გაიმართა.