მსჯავრდებულებისადმი დამოკიდებულება რა თქმა უნდა განსხვავებულია 2003-2012 წლებთან შედარებით, რადგან იცით მაშინ როგორ საშინელ პირობებში უწევდათ ცხოვრება ადამიანებს, რამდენი პრობაციონერი, მსჯავრდებული გვყავდა და რა ვითარება იყო ამ დროს, – ამის შესახებ ფრაქცია „ქართული ოცნების“ თავმჯდომარის მოადგილე არჩილ გორდულაძემ „შაბათის ქრონიკასთან“ განაცხადა.
მისი თქმით, 2012 წლის შემდეგ მდგომარეობა რადიკალურად არის შეცვლილი.
„2012 წლის შემდეგ მდგომარეობა რადიკალურად არის შეცვლილი, ვერ ვიტყვით რომ ყველაფერი იდეალურადაა, მაგრამ არსებობს განვითარების და სრულყოფის საშუალებები.
რაც შეეხება პრეზიდენტს, ცალე საკითხია რა ადამიანებს და რა კონტექსტიდან გამომდინარე იწყალებს მათ. ადამიანები რომლებიც უშვერი სიტყვებით ლანძღავდნენ, რეზიდენტს უწოდებდნენ, აღმოჩნდა რომ შეიწყალა. გვაქვს ეჭვი რომ, ეს მისი ერთპიროვნული გადაწყვეტილება არ უნდა იყოს და უნდა ასრულებდეს ამ შემთხვევაშიც გარე ძალებიდან მიღებულ დავალებებს“, – განაცხადა გორდულაძემ.