ჯეი დი ვენსის ვიცე-პრეზიდენტობა უკრაინისთვის კატასტროფა იქნება. ამ სათაურით Politico აქვეყნებს სტატიას. გამოცემის ცნობით, დონალდ ტრამპის პრეზიდენტად არჩევის შემთხვევაში თეთრი სახლის საგარეო პოლიტიკაზე ევროპაში შეშფოთება ისედაც არსებობდა, ახლა კი ტრამპმა ვიცე-პრეზიდენტობის კანდიდატად ჯეიმს დევიდ ვენსი დაასახელა.
Politico წერს, რომ ტრამპ-ვენსის ალიანსის გამო, ევროპა პანიკაშია. სტატიაში აღნიშნულია, რომ 39 წლის რესპუბლიკელის შესაძლო ვიცე-პრეზიდენტობამ უკრაინისა და ნატოს მიმართ ამერიკის პრეზიდენტის ახალი ადმინისტრაციის მიერ ვალდებულებების აღსრულებასთან დაკავშირებით კითხვები გააჩინა. 2024 წლის თებერვალში მიუნხენის უსაფრთხოების კონფერენციაზე სიტყვით გამოსვლის დროს ვენსმა განაცხადა, რომ შტატების მხრიდან უკრაინის მხარდაჭერის საკითხი აუცილებლად უნდა გადაიხედოს.