უკრაინამ გუშინ, უპილოტო საფრენი აპარატებით რუსეთის უკიდურეს ჩრდილოეთში, მურმანსკის ოლქში მდებარე აეროდრომზე იერიში მიიტანა და Ту-22М3 ტიპის შორი მანძილის სტრატეგიულ ბომბდამშენს დაარტყა, – ამის შესახებ გამოცემა „უკრაინსკაია პრავდა“ უკრაინის თავდაცვის ძალების დაზვერვის მთავარი სამმართველოს წყაროზე დაყრდნობით წერს.
„თავდაცვის ძალების ოპერაციის შედეგად ოლენეგორსკის მახლობლად Оленья-ს სამხედრო აეროდრომზე, რუსი ოკუპანტების სტრატეგიული ავიაციის ბაზირების ადგილას შორი მანძილის ზებგერით ბომბდამშენზე, Ту-22М3-ზე იერიში იქნა მიტანილი“, – თქვა წყარომ გამოცემასთან საუბრისას.
წყარომ ასევე დაამატა, რომ უკრაინასა და სამიზნე აეროდრომს შორის მანძილი 1 800 კილომეტრს შეადგენს.
კომენტარები