როგორც ჩანს, პოლიტიკური კილერები მალე უნიღბოდ დარჩებიან – საქართველოს მშვიდობის მთავარი გარანტის ლიკვიდაციის გეგმის მომზადება გაშიფრულია.
სახელმწიფო უსაფრთხოების სამსახური რადიკალებთან კავშირში მყოფ ადამიანებს კითხავს. ამბავი, როგორ მალავდნენ დაკითხვიდან გამოსულები, მათივე ადვოკატები და რადიკალების მედიასაშუალებები „ქართული ოცნების“ დამფუძნებლის ლიკვიდაციის გეგმის შესახებ გამოკითხვაზე ინფორმაციას – უკვე ბევრ რამეს ხდის ფარდას. უმრავლესობა უკრაინაში იბრძოდა ან ახლაც იბრძვის, ნაწილი საქართველოშია და „ნაცმოძრაობის“ რიგებიდან ცდილობს სახელმწიფო გადატრიალებას.
ფაქტია, როგორც არასდროს ისეთი საშიში გახდა მსოფლიოში და საქართველოში მშვიდობაზე საუბარი. მშვიდობის დაცვა შესაძლოა, საკუთარი სიცოცხლის ფასად დაგიჯდეს და ამის რამდენიმე გახმაურებული ფაქტის თვითმხილველები გავხდით ძალიან მოკლე დროში.
ტერორიზმისა და სახელმწიფო გადატრიალების სკანდალური საქმე – როგორ და სად იგეგმებოდა საქართველოში ხელისუფლების დასამხობად, „ქართული ოცნების“ საპატიო თავმჯდომარის, ბიძინა ივანიშვილის ლიკვიდაცია, რომელსაც ქვეყნის ეროვნული ინტერესების წინააღმდეგ წასვლა ვერც ფინანსური სანქციებით აიძულეს, ვერც მილიარდებზე წვდომის შეზღუდვით და ვერც სიცოცხლის მუქარით.