პოლიტიკური განცხადებები ვივამედიდან – საქალაქო სასამართლოში შვიდი ნოემბრის საქმეზე გამართულ პროცესზე, მიხეილ სააკაშვილმა არჩევნების შემდგომ პერიოდზე ისაუბრა. არჩევნებამდე სამი თვით ადრე ის ამბობს, რომ არჩევნების შედეგები გაყალბდება. დასახა გეგმაც, როგორ უნდა გადაინაცვლოს პროცესებმა ქუჩაში.
„მას შემდეგ, რაც ესენი გამოაცხადებენ გაყალბებულ შედეგებს, და ისინი გამოაცხადებენ გაყალბებულ შედეგებს, ჩვენ, ასობით ათასი ადამიანი უნდა მოვემზადოთ დღეების, კვირების, თვეების განმავლობაში ქუჩაში დგომისთვის, მშვიდობიანად. ჩვენსა და ჩვენს გამარჯვებას შორის ვერ დადგება რამდენიმე ათასი რობოკოპი, მილიონები ვართ. მზად უნდა ვიყოთ საკუთარი თავის დაცვისთვის და მზად უნდა ვიყოთ, რათა გამარჯვება ვიზეიმოთ“,-განაცხადა მიხეილ სააკაშვილმა.
კომენტარები