აშშ-ის სახელმწიფო დეპარტამენტის სპიკერის მოადგილემ, ვედანტ პატელმა განაცხადა, რომ ამჟამად აშშ არ გეგმავს ლიბანიდან ამერიკის მოქალაქეების ევაკუაციას. ინფორმაციას ამის შესახებ ტელეკომპანია CNN-ი ავრცელებს.
„ჩვენ არ გვაქვს რაიმე გეგმები ან განცხადება, რომელიც ეხება ლიბანიდან აშშ-ის მოქალაქეების ევაკუაციას ან [მსგავს] ძალისხმევას“, – აღნიშნა ვედანტ პატელმა.
პატელმა ასევე განაცხადა, რომ სახელმწიფო დეპარტამენტმა გამოსცა მე-3 დონის სამოგზაურო რეკომენდაციას, რაც იმას ნიშნავს, რომ „უნდა გადაიხედოს ლიბანში მოგზაურობის საკითხი“ და მე-4 დონის რეკომენდაცია, რაც იმას ნიშნავს, რომ „არ უნდა იმოგზაურონ“ კონკრეტულად სამხრეთ ლიბანში.
კომენტარები