თეთრი სახლის პრესმდივანმა, კარინ ჟან-პიერმა განაცხადა, რომ ფართომასშტაბური ომი ისრაელსა და „ჰეზბოლას“ შორის გარდაუვალი არ არის.
კარინ ჟან-პიერის თქმით, პრეზიდენტი ჯო ბაიდენი მიიჩნევს, რომ ამის თავიდან აცილება შესაძლებელია.
თეთრ სახლს მიაჩნია, რომ კონფლიქტის დიპლომატიური გადაწყვეტა შესაძლებელია, რაც ლიბანელ და ისრაელელ სამოქალაქო პირებს საშუალებას მისცემს დაბრუნდნენ თავიანთ სახლებში და იცხოვრონ უსაფრთხოდ.
„ვფიქრობ, მნიშვნელოვანია დიპლომატიური გადაწყვეტა. ჩვენ არ გვინდა ესკალაცია, არ გვინდა ვიხილოთ ფართომასშტაბური ომი“, – დასძინა კარინ ჟან-პიერმა.
კომენტარები