ისრაელის თავდაცვით ძალებში („ცაჰალი“) განაცხადეს, რომ ღაზის სექტორში „ჰამასის“ საბრძოლო დანაყოფის ლიდერი მოჰამედ დეიფი მოკლეს.
ინფორმაცია ამის შესახებ „ცაჰალმა“ სოციალურ ქსელში X გამოაქვეყნა.
„ახლა შეგვიძლია დავადასტუროთ: მოჰამედ დეიფი ლიკვიდირებულია“, – აღნიშნულია განცხადებაში.
ადგილობრივი მედია წერს, რომ დეიფი ისრაელის ავიაიერიშის შედეგად დაიღუპა, რომელიც 13 ივლისს ღაზის სექტორის სამხრეთით, ქალაქ ჰან-იუნისზე განხორციელდა.
დეიფი 2023 წლის 7 ოქტომბერს ისრაელზე თავდასხმის ორგანიზატორი იყო.
კომენტარები