რუსეთის ხელისუფლებამ The Wall Street Journal-ის ჟურნალისტი ევან გერშკოვიჩი და ყოფილი ამერიკელი საზღვაო ქვეითი პოლ უილანი საპატიმროდან გაათავისუფლა. ინფორმაციას ამის შესახებ Bloomberg-ი საკუთარ წყაროებზე დაყრდნობით ავრცელებს.
გამოცემა აღნიშნავს, რომ გერშკოვიჩის და უილანის გათავისუფლება აშშ-თან პატიმრების დიდი გაცვლის ფარგლებში მოხდა. ჯერ-ჯერობით უცნობია, საპასუხოდ ამერიკა რომელ რუს პატიმრებს გაათავისუფლებს.
რუსეთის უსაფრთხოების ფედერალურმა სამსახურმა გერშკოვიჩი 2023 წლის 30 მარტს დააკავა. მას ბრალად ჯაშუშობა ედებოდა. 2024 წლის 19 ივლისს სასამართლომ ის დამნაშავედ ცნო და 20-წლიანი პატიმრობა შეუფარდა. უილანი კი 2018 წლის დეკემბერში მოსკოვში დააკავეს. მასაც გერშკოვიჩის მსგავსად ჯაშუშობა ედებოდა ბრალად. სასამართლომ მას 16-წლიანი პატიმრობა შეუფარდა.