უკრაინა ყურადღებით ადევნებს თვალს პატიმართა გაცვლას, რომელიც აჩვენებს, რომ მოსკოვსა და დასავლეთს შეუძლიათ მოლაპარაკებების წარმოება, – წერს ამერიკული გაზეთი The Washington Post-ი.
სტატიაში აღნიშნულია, რომ მას შემდეგ, რაც პატიმართა გაცვლის შესახებ გარიგებამ აჩვენა, რომ მოსკოვსა და ვაშინგტონს ჯერ კიდევ შეუძლიათ საქმეების კეთება, კიევმა განაცხადა, რომ მოითხოვს პრეზიდენტ ბაიდენისგან დაპირების შესრულებას: „არაფერი უკრაინაზე უკრაინის გარეშე“.
უკრაინის მაღალჩინოსნები, მათ შორის პრეზიდენტი ვოლოდიმირ ზელენსკი, გარიგების შესახებ კომენტარს არ აკეთებენ, მაგრამ პატიმართა გაცვლის მასშტაბი, სირთულე და მნიშვნელობა შეუმჩნეველი არ დარჩენილა.
„უკრაინელებმა იციან, რომ მათი ქვეყანა გადარჩენას ახერხებს უცხოეთიდან მიღებული იარაღისა და ფულის საშუალებით. თუ ამ მაშველი ხაზიდან რომელიმე გაწყდება, უკრაინა სერიოზული პრობლემის წინაშე აღმოჩნდება“, – ნათქვამია სტატიაში.
„არსებობს შეშფოთება, რომ ეს ტენდენციად არ იქცეს“, – განაცხადა კიევის მერმა, ვიტალი კლიჩკომ.
ზოგიერთი უკრაინელი ოფიციალური პირისთვის პატიმართა გაცვლა წარსულში დაბრუნებას წარმოადგენდა.
„ცივი ომის საუკეთესო პრაქტიკა დისიდენტებისა და ჯაშუშების გაცვლის შესახებ აღორძინდა“, – აღნიშნა უკრაინელმა მაღალჩინოსანმა.