ისრაელის საგარეო დაზვერვის სამსახურმა „მოსადმა“ ირანში აგენტები დაიქირავა, რათა მათ თეირანში „ჰამასის“ ლიდერი ისმაილ ჰანიე მოეკლათ. ინფორმაციას ამის შესახებ The Telegraph-ი ავრცელებს.
გამოცემის ცნობით, აგენტებმა ასაფეთქებელი მოწყობილობა სახლის, სადაც ჰანიე ცხოვრობდა, სამ ოთახში დაამონტაჟეს.
თავდაპირველად ჰანიეს მკვლელობა მაისში იგეგმებოდა, როცა ის ირანის ყოფილი პრეზიდენტის ებრაჰიმ რაისის დაკრძალვაზე იყო ჩასული. თუმცა, როგორც გამოცემას ორმა ირანელმა ჩინოვნიკმა განუცხადა, ოპერაცია არ განხორციელდა, რადგან შენობასთან, სადაც ჰანიე ცხოვრობდა, ბევრი ხალხი იყო და გეგმის ჩავარდნის ალბათობა მაღალი იყო.
ამის მაგივრად „მოსადის“ ორმა აგენტმა ასაფეთქებელი მოწყობილობა ჰანიეს სახლის ოთახებში დაამონტაჟა. როგორც გამოცემას ირანელი ჩინოვნიკი უყვება, სათვალთვალო კამერებში ჩანს, თუ როგორ გადაადგილდებიან აგენტები ჰანიეს სახლში, შემდეგ ისინი მიდიან, ტოვებენ ქვეყანას და 31 ივლისს 02:00 საათზე ისმის აფეთქების ხმა.