დღეს აქ, ჭირისუფლებთან, მთლიან საქართველოსთან ერთად ვართ და პატივს მივაგებთ მათ ხსოვნას, ვინც ერთი წლის წინ ამ სტიქიას შეეწირა, – ასე ეხმიანება საქართველოს პარლამენტის თავმჯდომარე შალვა პაპუაშვილი შოვში ერთი წლის წინ დატრიალებულ ტრაგედიას.
“ერთი წელი გავიდა შოვის ტრაგედიიდან.
დღეს, აქ, ჭირისუფლებთან, მთლიან საქართველოსთან ერთად ვართ და პატივს მივაგებთ მათ ხსოვნას, ვინც ერთი წლის წინ ამ სტიქიას შეეწირა.
ჩვენ გვახსოვს ის მძიმე დღეები. მინდა, გავიხსენო ჩვენი მაშველების მუხლჩაუხრელი, გმირული მუშაობა და თითოეულ მათგანს კიდევ ერთხელ მადლობა გადავუხადო. გვახსოვს მაშინ გაერთიანებული საქართველო, ყველა როგორ ვგულშემატკივრობდით ამ პროცესს.
ამ ადგილზე გარდაცვლილთა სულის მოსახსენიებლად აიგება ეკლესია და მემორიალი”, – წერს პარლამენტის თავმჯდომარე.
კომენტარები