დიდი ბრიტანეთის ქალაქებში ულტრამემარჯვენეების საპროტესტო აქციებზე 90-მდე ადამიანი დააკავეს. არეულობები იყო ლივერპულში, ბრისტოლში, მანჩესტერში. აქციის მონაწილეები პოლიციას დაუპირისპირდნენ, რის შედეგადაც რამდენიმე სამართალდამცველი დაშავდა. მანიფესტანტებმა სავაჭრო დაწესებულებები დაარბიეს და ხანძარი გააჩინეს.
საპროტესტო გამოსვლები ქალაქ საუთპორტში საცეკვაო სკოლაში მომხდარ თავდასხმას მოჰყვა. 17 წლის მოზარდმა 3 არასრულწლოვანი დანით სასიკვდილოდ დაჭრა. ადგილობრივებმა მომხდარში მუსლიმური თემი დაადანაშაულეს და ადგილობრივ მეჩეთზე სცადეს თავდასხმა. შეტაკებების შედეგად 30-ზე მეტი პოლიციელი დაშავდა. მოგვიანებით გაირკვა, რომ თავდამსხმელი უელსში დაბადებული რუანდელი ემიგრანტების შვილია. მას განზრახ მკვლელობის ბრალდება უკვე წაუყენეს.
კომენტარები