უტენის (ლიეტუვა) რაიონში ლატვიიდან შესული 40 არალეგალური მიგრანტი დააკავეს.
უტენის რაიონის პოლიციამ მესაზღვრეებისგან მიიღო შეტყობინება, რომ დაეკავებინათ „ოპელ ვივაროს“ ფურგონი და მისი თანხლები „აუდი A6“, რადგან, შესაძლოა, მათ ლატვიიდან არალეგალური მიგრანტები გადმოჰყავდათ.
პოლიციის მიერ გაჩერებულ ფურგონში 23 არალეგალური მიგრანტი აღმოჩნდა, რომელთაგან 10 დააკავეს, 13 კი დაკავების ადგილიდან გაიქცა.
სახელმწიფო სასაზღვრო სამსახურის წარმომადგენელმა, ლინა ლაურინაიტიტემ მოგვიანებით ELTA-ს განუცხადა, რომ ყველა გაქცეული მიგრანტი დაკავებულია.
უტენის რაიონში „აუდი A6“-ც დააკავეს, რომელშიც ასევე არალეგალური მიგრანტები იმყოფებოდნენ.
გავრცელებული ინფორმაციით, მათი დაკავებისას, უტენის რაიონის ორი პოლიციელი მსუბუქად დაშავდა.
კომენტარები