ბანგლადეშის პრეზიდენტმა შაჰაბუდინ ჩუპუმ ქვეყნის პარლამენტი დაითხოვა და ყოფილი პრემიერ-მინისტრი ხალედა ზია შინაპატიმრობიდან გაათავისუფლა. ინფორმაციას ამის შესახებ Reuters-ი ავრცელებს.
ეს გადაწყვეტილება პრეზიდენტმა მას შემდეგ მიიღო, რაც ბანგლადეშელმა სტუდენტებმა განაცხადეს, რომ თუ პარლამენტი დათხოვნილი არ იქნება, ისინი უფრო ძლიერ საპროტესტო აქციებს გამართავდნენ.
ბანგლადეშში ივლისის დასაწყისში მასობრივი აქციები დაიწყო, რაც მოგვიანებით მომიტინგეებსა და სამართალდამცველებს შორის დაპირისპირებაში გადაიზარდა. ბოლო ცნობებით, დაპირისპირებას დაახლოებით 300 ადამიანი ემსხვერპლა. მიტინგების მთავარ მიზეზად ბანგლადეშელი სტუდენტებისთვის დასაქმების კვოტების შემოღება სახელდება.
აქციების ფონზე ბანგლადეშის პრემიერ-მინისტრი შეიხ ჰასინა გადადგა და ქვეყნიდან გაიქცა. მან თავი ინდოეთს შეაფარა.