აშშ-ი პრეზიდენტობის კანდიდატი „დემოკრატიული“ პარტიიდან კამალა ჰარისი უფრო მეტი პოპულარობით სარგებლობს ფერადკანიან ამომრჩევლებში, ვიდრე ამერიკის მოქმედი პრეზიდენტი ჯო ბაიდენი, სანამ ის წინასაარჩევნო რბოლაში მონაწილეობდა. ინფორმაციას ამის შესახებ Reuters-ი ავრცელებს.
გამოცემის მტკიცებით, რომელმაც კომპანია Ipsos-თან ერთად სოციოლოგიური კვლევა ჩაატარა, „რესპუბლიკური“ პარტიის პრეზიდენტობის კანდიდატის დონალდ ტრამპის რეიტინგი კი თეთრკანიან მოსახლეობაში უფრო გაიზარდა.
ივლისში გამოკითხულ ფერადკანიანთა ამომრჩევლების დაახლოებით 70% ჰარისს დაუჭირა მხარი, მაშინ როცა ბაიდენს მაისში და ივნისში 59% უჭერდა მხარს. ტრამპის პოპულარობა ფერადკანიან მოსახლეობაში 9%-იდან 12%-მდე გაიზარდა.
ამასობაში ტრამპი სულ უფრო მეტ მხარდაჭერით სარგებლობს თეთრკანიან მოსახლეობაში. ივლისში გამოკითხულ თეთრკანიანთა დაახლოებით 50% მას მხარდაჭერა გამოუცხადა, მაშინ როცა მაისში და ივნისში ეს რიცხვი 46% შეადგენდა. ჰარისს ივლისში თეთრკანიანთა 38% დაუჭირა მხარი. მაისში და ივნისში ეს მაჩვენებელი 36% იყო.