პენტაგონი კურსკის ოლქში უკრაინის ჯარების ოპერაციას ესკალაციად არ მიიჩნევს. ამის შესახებ განაცხადა აშშ-ის თავდაცვის დეპარტამენტის სპიკერის მოადგილემ, საბრინა სინგჰმა.
„ჩვენ არ მივიჩნევთ, რომ ეს რაიმე ფორმით ესკალაციაა. უკრაინა ყველაფერს აკეთებს ბრძოლის ველზე წარმატების მისაღწევად“, – აღნიშნა აშშ-ის თავდაცვის დეპარტამენტის სპიკერის მოადგილემ.
მან დასძინა, რომ შეერთებული შტატები გააგრძელებს უკრაინის მხარდაჭერას საჭირო საშუალებებით.
გარდა ამისა, სინგჰმა აღნიშნა, რომ უკრაინის ქმედებები კურსკის ოლქში შეესაბამება აშშ-ის პოლიტიკას მოწოდებული იარაღის გამოყენებასთან დაკავშირებით.
კომენტარები