რუსული შეიარაღებული ძალების მიერ უკრაინის ქალაქ კონსტანტინოვკის სუპერმარკეტის დაბომბვის შედეგად დაღუპულთა შორის სავარაუდოდ, სამი ბავშვია. როგორც UNIAN იუწყება, ცხედრების დაზიანების გამო ამას ზუსტად ექსპერტიზა დაადგენს.
დონეცკის ოლქის სამხედრო ადმინისტრაციის უფროსის ვადიმ ფილაშკინის განცხადებით, სამაშველო ოპერაცია გუშინ 19:00 საათზე უსაფრთხოების ზომების გამო შეწყვიტეს.
„ამჟამად ცნობილია 14 დაღუპულისა და 43 დაჭრილის შესახებ. ერთი დაჭრილი ადამიანი მძიმე მდგომარეობაში და ის ქალაქ დნეპრში გადავიყვანეთ, ყველა დანარჩენი ჩვენს ოლქში რჩება და კვალიფიციურ სამედიცინო დახმარებას იღებს“, – განაცხადა ფილაშკინმა.
რუსეთის შეიარაღებულმა ძალებმა უკრაინის დონეცკის ოლქში მდებარე ქალაქი კონსტანტინოვკა გუშინ დაბომბეს.
კომენტარები