ქართველმა ძალოსანმა ირაკლი ჩხეიძემ (102 კგ) სადებიუტო ოლიმპიადაზე იასპარეზა.
სპორტსმენმა ატაცში 179 კგ დაძლია, აკვრაში 214 დააფიქსირა, ორჭიდის ჯამში კი 393 კგ მოაგროვა და ოლიმპიადა მეხუთე ადგილზე დაასრულა.
25 წლის სპორტსმენი ევროპის ჩემპიონატის ვიცე-ჩემპიონია.
დღეს ოლიმპიურ ფიცარნაგზე ლეგენდარული ლაშა ტალახაძე (+102 კგ) გამოვა და ზედიზედ მესამე ოლიმპიური მედლის მოპოვებას შეეცდება. ოქროს მედლისთვის იბრძოლებს თავისუფალი სტილით მოჭიდავე გენო პეტრიაშვილიც, რომელიც ფინალში ირანელ ამირ ჰოსეინ ზარეს შეხვდება.
ამ ეტაპზე ქართველი სპორტსმენების ანგარიშზე ხუთი ოლიმპიური მედალია. ძიუდოისტებმა ტატო გრიგალაშვილმა და ილია სულამანიძემ ვერცხლის მედლები მოიპოვეს, ლაშა ბექაური ზედიზედ მეორედ გახდა ოლიმპიური ჩემპიონი, მოკრივე ლაშა გურულმა კი ბრინჯაო მიიღო.
კომენტარები