25 წლის ქართველმა თავისუფალი სტილით მოჭიდავე გოდერძი ძებისაშვილმა (65 კგ) სადებიუტო ოლიმპიადაზე პირველი შეხვედრა სომეხ ვაზგენ ტევანიანთან გამართა. სპორტსმენმა ევროპის ჩემპიონ მეტოქეს შეხვედრა ანგარიშით 0:11 დაუთმო.
წესების თანახმად, თუ ვაზგენ ტევანიანი ფინალში ასპარეზობის უფლებას მოიპოვებს, გოდერძი ძებისაშვილი ბრინჯაოს მედლისთვის ბრძოლას რეპეშაჟის გავლით გააგრძელებს.
გოდერძი ძებისაშვილმა ოლიმპიადაზე ასპარეზობის ლიცენზია აზერბაიჯანში გამართულ სალიცენზიო ტურნირზე მოიპოვა.
ამ ეტაპზე საქართველოს ანგარიშზე ოთხი ოლიმპიური მედალია. ძიუდოისტებმა ტატო გრიგალაშვილმა და ილია სულამანიძემ ვერცხლის მედლები მოიპოვეს, ლაშა ბექაური ზედიზედ მეორედ გახდა ოლიმპიური ჩემპიონი, მოკრივე ლაშა გურულმა კი ბრინჯაო მიიღო.
კომენტარები