ისრაელის დაზვერვა თვლის, რომ ირანი უახლოეს დღეებში თავს დაესხმება. ინფორმაციას ამის შესახებ Axios-ი ავრცელებს.
გამოცემის მტკიცებით, თეირანმა „ჰამასის“ ლიდერის ისმაილ ჰანიეს მკვლელობაზე შურისძიების მიზნით, ისრაელზე პირდაპირი იერიში შესაძლოა მიმდინარე კვირის ხუთშაბათამდე მიიტანოს. სწორედ 15 აგვისტოს იგეგმება ღაზის სექტორში ცეცხლის შეწყვეტის შესახებ მოლაპარაკებების განახლება.
ისრაელში ვარაუდობენ, რომ დარტყმას პირველი დაჯგუფება „ჰეზბოლა“ განახორციელებს და ამით ლიბანის დედაქალაქ ბეირუთში მისი ერთ-ერთი ლიდერის ფუად შუქრის მკვლელობაზე შურს იძიებს. შემდეგ საქმეში ირანი ჩაერთვება.
სავარაუდოდ „ჰეზბოლას“ და ირანის ერთობლივი თავდასხმა იმაზე უფრო მასშტაბური და ძლიერი იქნება, ვიდრე ეს აპრილში მოხდა.
კომენტარები