“არჩევნების შემდეგ აუცილებლად იქნება შესწავლილი 2008 წლის მოვლენები და საქართველოს მაშინდელი ხელისუფლების მხრიდან მიღებული გადაწყვეტილებები”

არჩევნების შემდეგ აუცილებლად იქნება დეტალურად შესწავლილი 2008 წელს განვითარებული მოვლენები და საქართველოს მაშინდელი ხელისუფლების მხრიდან მიღებული გადაწყვეტილებები, – ამის შესახებ გივი მიქანაძემ „ქრონიკას“ განუცხადა.

პარლამენტის განათლების, მეცნიერებისა და ახალგაზრდობის კომიტეტის თავმჯდომარე გამოეხმაურა „ქართული ოცნების“ პოლიტსაბჭოს განცხადებას, რომ 2008 წლის აგვისტოს მოვლენები აუცილებლად იქნება გამოძიებული არჩევნების შემდეგ.

„ქართული ოცნების“ ხელისუფლებამ მოიძია ისკანდერის ტიპის რაკეტის ნამსხვრევები, რომელიც რუსული მხარის მიერ იყო გამოყენებული გორზე შტურმისას. წლები დასჭირდა იმ ყველაფერს, რომ მტკიცებულებები შეგროვებულიყო და წარგვედგინა როგორც ჰააგაში, ასევე სტრასბურგში. არჩევნების შემდეგ აუცილებლად იქნება დეტალურად შესწავლილი 2008 წელს განვითარებული მოვლენები და საქართველოს მაშინდელი ხელისუფლების მხრიდან მიღებული გადაწყვეტილებები და კონკრეტული ნაბიჯები“, – აღნიშნა მიქანაძემ.